Salo media producation

 Agaasimaha guud ee Wasaaradda Waxbarashada iyo Sayniska JSL Cabdirisaaq Jaamac Nuur oo ay weheliyaan xubno kamida agaasime waaxeedada wasaaradda waxbarashada iyo gudoonka waxbarashada gobolka Togdheer ayaa kormeeray qaar kamida dugsiyada magaalada Burco. Kormeerkan oo ujeedadiisu daaranayd sidii masuuliyiinta wasaradda waxbarashadu xog-ogaal ugu noqon lahaayeen xaaladaha waxbarashada ee dugsiyada magaalada Burco ayaa kormeeray qaar kamida dugsiyada, waxaana halkaa kusoo dhaweeyay maamulayaasha dugsiyada waftigu booqday, iyagoo mid mid u galay fasalada ay ka socoto waxbarashadu, waxaanay warbixino ka dhagaysteen maamulka, macalimiinta iyo ardayda sida ay waxbarashado u socoto

 Agaasimaha Guud ee Wasaaradda Shaqo-gelinta Arrimaha Bulshada iyo Qoyska JSL Mudane Axmed Xasan Aw Aadan ayaa saaka Xafiiskiisa ku qaabilay, wefti  ka socday dalka Spain qaybtiisa Horumarinta Bini’aadantinimada iyo Hay’adda Plan-International. Waxaana kulankaa ku wehelinaayey madaxa u sareysa xafiiska Plan-International Somaliland Marwo Sacdiya caalin iyo saraakiisha Xafiiska somaliland. Kulankan ayaa diirada lagu saaray arrimaha mudnaanta u leh Wasaaraddaasi iyo arrimaha horumarineed ee dhanka darteelka bulshada.b