Xilwareejin Dayib Guray

-

15-Oct-2023

Axad


MUNAASIBAD XILKA LOOGU  KALA WAREEJINAYAY MAAMULIHII HORE  EE DUGSIGA SARE EE DAYIB GURAY IYO MAAMULKA CUSUB AYAA LAGU QABTAY XARUNTA DUGSIGA.


Munaasibad ballaadhan oo ay xilka kula kala wareegayeen maamulihii hore ee dugsiga Dayib Guray, MOHAMED MOHAMOUD YUSUF Mudane  ( Mudane) IYO MUUSE MAXAMED MAXAMUUD ( Derejo ) ayaa ka qabsoontay xarunta dugsiga sare ee Dayib Guray.

Waxaana madasha xil wareejinta ka qayb-galay Gudoomiye kuxigeenka waxbarashada gobolka Maroodi-jeex SALEBAAN SICIID SALEEBAAN. Madaxa shaqaalaha Gobolka ABDIRAHMAN YUSUF XASAN, Masuuliyiin kale iyo weliba marti sharaf aad u badan.

Xaflada ayaa waxaa laga wada qiray 4 tii sano ee Maamule MUDANE dugsiga daadihinayey inuu ahaa maamule hawlkar, daacad, aamin iyo talawadaagnimo in uu mutaysatay waxbadana ka qabtay dugsiga sare DAYIB GURAY. 


Masuuliyiinta xilwareejinta ka qayb-galay ayaa dhamaantood u mahad celiyay maamulihii hore ee dugsiga DAYIB GURAY.

Waxaana ay ardaydu gudoonsiiyeen hadyado iyo shahaado sharaf, masuuliyiintu waxay ku ammaaneen tacabka uu galiyay ardayda iyo dugsiga,iyagoo sidoo kalena soo dhaweeyay lana dardaarmay maamulaha cusub,kuna booriyay inu halkaa ka sii wado korna usii qaado waxbarashada Dugsiga iyo ardaydaba.

Maamulihii hore ee dugsiga Dayib Guray MAXAMED MAXAMUUD YUSUF oo munaasibada ka hadlay ayaa sheegay in mudadii uu joogay dugsiga ay waxbadani u qabsoomeen islamarkaana waxbarashada dugsiga uu kor u qaaday. Dhiniciisa maamulaha cusub ee dugsiga MUUSE MAXAMED MAXAMUUD ( Derejo) ayaa ballan-qaaday inu halkaa kasii wadi doono dedaalka ardayda iyo hagaajinta dugsiga.


Gabagabadii Gud/xigeenka waxbarashada gobolka Maroodi-jeex oo xilka u kala wareejiyay labada maamule ayaa maamulihii hore uga mahadnaqay dedaalka iyo horumarka uu dugsiga gaadhsiiyay,waxaanu maamulaha cusub kula dardaarmay inu halkaa kasii wado dedaalka korna usii qaado dedaalka socday,sidoo kale waxa uu Gudoomiyuhu sheegay in ka xukuumad ahaan ay dugsiga ka taageerayaan wixii uu u baahanyahay,ardaydana waxa uu usoo jeediyay inay dedaalaan oo waxbarashadooda ku dedaalaan.


Daqiiqado kadib waxaad daawan doontaan muuqaalka qaabkii ay xafladu u dhacday.


Xafiiska Arrimaha Ardayda.

Comments

Post a Comment

Popular posts from this blog

-
Image
 Wasiir Kuxigeenka  Wasaaradda Dawladaha Hoose iyo Horumarinta Magaalooyinka  JSL Axmed Cumar X.Cabdulahi -Xamarji oo ay wehelinayaan Maayarada Hargeysa Abdikarim Ahmed Mooge Berbera Moyir Cabdishakuur Cidin  , Boorama, Gebilay, Tog-Wajaale iyo Masuulin kale oo ka tirsan Dawladda ayaa ka qaybgalay shirka caalamiga ah oo ay soo qaban-qaabiyeen Hay'adda City Alliance iyo Jaamacada Jigjiga, kaasoo maanta ka furmay Magaalada Adisababa ee Dalka Itoobiya. Shirkan ayaa waxaa ka qaybgalay madaxda Magalooyinka  uu maro corridoku, kaasoo isku xidha Magaalooyinka Berbera iyo Addis-Ababa, (the East African City Corridor Dialogue). Shirkan ayaa lagaga hadlayaa Iskaashiga Gobolka, isu-socodka Ganacsiga, Isbedelka Cimilada, horuumarinta Magaalooyinka iyo kaabayaasha dhaqaalaha.
Read more
-
 Telesom Group ayaa $250,000 (Laba boqol iyo konton kun oo dollar) ugu deeqday dadkii khasaaruhu ka soo gaadhay dabkii suuqa Idaacadda Hargeysa JSL oo ka mid ah suuqyada ugu dhaqdhaqaaqa badan guud ahaan caasimada Hargeysa. Maaha markii koowaad ee ay Telesom Group ka qaybgasho musiibooyin dalka iyo dadka ku habsatay, dhawaan ayuun bay ahayd markii aannu gacan weyn ka gaysanay musiibadii Suuqa Waaheen Hargeysa, Wajaale iyo khasaaraha dabka suuqii Taywaan ee magaalada Jigjiga, waana waajib na saaran, waananu sii wadi doonaa taakulaynta iyo taageerada bulshadeenna. #suuqaidaacadda #telesomgroupfoundation #telesomgroup
Read more

Xaflada sanad Dugsiyeed Al hayaat schools

-
Image
 Guddoomiye kuxigeenka waxbarashada gobolka M.jeex Saleebaan Siciid Saleebaan ayaa ka qayb galay munaasibada loo qabtay Arday dhammaysatay Qur'aanka Kariimka ah iyo ardeydii kaalmaha hore ka gashay Imtixaankii dugsiga ee sannad dugsiyeedka 2022-2023-ka ee dugsiga hoose/dhexe Almis ee caasimada Hargeisa. Guddoomiye kuxigeenka waxbarashada gobolka M.jeex Saleebaan Siciid Saleebaan oo munaasibadaa ka hadlay ayaa kula dardaarmay waalidiinta iyo macallimiinta dugsiga Almis, in ardeyda waxbarashada halkaa looga sii wado oo ay ku dedaalaan in aanay dayacin dedaalkaa la geliyey.
Read more