Xuska maalinta macalinka Aduunka

-

 Wasaaradda Waxbarashada iyo Sayniska Somaliland oo qabatay  xuska maalinta macallimiinta adduunka.


Munaasibadan oo ka dhacday huteel Grand Haadi ee magaalada Hargaysa ayaa waxaa kasoo qayb galay agaasimaha guud ee wasaaradda waxbarashada iyo sayniska JSL Cabdirisaaq Jaamac Nuur(Naakhuude), agaasimaha guud ee wasaaradda gaadiidka iyo horumarinta jidadka, agaasime waaxeedyada  wasaaradda waxbarashada, macallimiin iyo marti sharaf kale.


Ugu horayn waxaa halkaasi khudbado la xidhiidha muhiimada maalintan iyo kaalinta wanaagsan ee macallimiinta kaga jiraan horumarka bulshada ka jeediyay agaasimaha waaxda waxbarashadda dadban iyo agaasimaha cilmi baadhista. Masuuliyiintan ayaa ku dheeraaday in xuska maalintani kaalin mug leh ugu jiro macallimiinta kala duwan ee ka howlgala dalka.


Geesta kale waxaa halkaasi ka hadlay qaar kamida macallimiinta kuwaasi oo ka waramay kaalinta ay bulshada ugu jiraan iyo sida ay heeganka ugu yihiin in ay qarankooda u adeegaan isla-markaana ay u soo saareen jiilal kala duwan.


Agaasimaha guud ee wasaaradda gaadiidka iyo horumarinta jidadka Muuse Jaamac Abyan oo halkaasi ka hadlay ayaa ka waramay qiimaha uu macalinku u  leeyahay bulshada, waxaa uu sidoo kale wasaaradda waxbarashadda ku booriyay in la maamuuso macallimiinta oo la xuso waxqabadkooda.


Agaasimaha guud ee wasaaradda waxbarashadda iyo sayniska  Cabdirisaaq Jaamac Nuur oo khudbad ka jeediyay munaasibadan waxaa uu sharaxay muhiimada macalinku u leeyahay koboca waxbarashada dalka iyo adduunkaba.


Agaasime Cabdirisaaq waxaa uu hambalyo u diray dhamaan macallimiinta ku nool Somaliland meelkasta oo ay joogaan munaasibadda maalinta caalamiga ah ee adduunku u asteeyay in la xuso macallimiinta.


Munaasibadan oo sannad walba adduunka laga xuso 5 bisha October waxaa soo qaban qaabisay wasaaradda waxbarashadda iyo sayniska 

Comments

Post a Comment

Popular posts from this blog

-
Image
 Wasiir Kuxigeenka  Wasaaradda Dawladaha Hoose iyo Horumarinta Magaalooyinka  JSL Axmed Cumar X.Cabdulahi -Xamarji oo ay wehelinayaan Maayarada Hargeysa Abdikarim Ahmed Mooge Berbera Moyir Cabdishakuur Cidin  , Boorama, Gebilay, Tog-Wajaale iyo Masuulin kale oo ka tirsan Dawladda ayaa ka qaybgalay shirka caalamiga ah oo ay soo qaban-qaabiyeen Hay'adda City Alliance iyo Jaamacada Jigjiga, kaasoo maanta ka furmay Magaalada Adisababa ee Dalka Itoobiya. Shirkan ayaa waxaa ka qaybgalay madaxda Magalooyinka  uu maro corridoku, kaasoo isku xidha Magaalooyinka Berbera iyo Addis-Ababa, (the East African City Corridor Dialogue). Shirkan ayaa lagaga hadlayaa Iskaashiga Gobolka, isu-socodka Ganacsiga, Isbedelka Cimilada, horuumarinta Magaalooyinka iyo kaabayaasha dhaqaalaha.
Read more
-
 Telesom Group ayaa $250,000 (Laba boqol iyo konton kun oo dollar) ugu deeqday dadkii khasaaruhu ka soo gaadhay dabkii suuqa Idaacadda Hargeysa JSL oo ka mid ah suuqyada ugu dhaqdhaqaaqa badan guud ahaan caasimada Hargeysa. Maaha markii koowaad ee ay Telesom Group ka qaybgasho musiibooyin dalka iyo dadka ku habsatay, dhawaan ayuun bay ahayd markii aannu gacan weyn ka gaysanay musiibadii Suuqa Waaheen Hargeysa, Wajaale iyo khasaaraha dabka suuqii Taywaan ee magaalada Jigjiga, waana waajib na saaran, waananu sii wadi doonaa taakulaynta iyo taageerada bulshadeenna. #suuqaidaacadda #telesomgroupfoundation #telesomgroup
Read more

Xaflada sanad Dugsiyeed Al hayaat schools

-
Image
 Guddoomiye kuxigeenka waxbarashada gobolka M.jeex Saleebaan Siciid Saleebaan ayaa ka qayb galay munaasibada loo qabtay Arday dhammaysatay Qur'aanka Kariimka ah iyo ardeydii kaalmaha hore ka gashay Imtixaankii dugsiga ee sannad dugsiyeedka 2022-2023-ka ee dugsiga hoose/dhexe Almis ee caasimada Hargeisa. Guddoomiye kuxigeenka waxbarashada gobolka M.jeex Saleebaan Siciid Saleebaan oo munaasibadaa ka hadlay ayaa kula dardaarmay waalidiinta iyo macallimiinta dugsiga Almis, in ardeyda waxbarashada halkaa looga sii wado oo ay ku dedaalaan in aanay dayacin dedaalkaa la geliyey.
Read more